მსუქანი ჩემი ფსევდონიმია!

ფსევდონიმი ან მდგომარეობა...
გადავწყვიტე, რომ ჩემი სხეული და სული გავაშიშვლო თამამად, ამიტომაც ავირჩიე ფსევდონიმი. ინკოგნიტო მსუქანი... თქვენ არ გეცოდინებათ ვინ ვარ, მაგრამ გეცოდინებათ, რომ ის ფიქრები, რომელიც ჭარბი წონის, დარღვეული ფსიქიკის, დანგრეული ჯანმრთელობის გამო თქვენც გაწუხებთ, პირადიც არის და საზოგადოც. და მთავარი, თქვენ გეცოდინებათ, რომ მიუხედავად იმისა, რომ ჭარბი წონა ქრონიკული დაავადებაა, ის სულაც არ გახლავთ განაჩენი. მე ერთხელ უკვე მოვერიე მას, მეორედ ამას თქვენს თვალწინ გავაკეთებ!